Lexus het pas sy reeks sportnutsvoertuie uitgebrei met die bekendstelling van die UX, die intreemodel in dié vervaardiger se reeks.
Die UX-naam staan vir Urban Crossover (vandaar die X), en vir baie voornemende kopers sal dit dalk nie net hul eerste Lexus wees nie, maar ook hul eerste veeldevoertuig. Volgens Glenn Crompton, Lexus se visepresident vir bemarking en verkope, is die UX ontwerp vir die modern, stedelike ontdekkingsreisiger wat wat op soek is na ‘n vars, eietydse en dinamiese benadering tot luukse voertuie.
Die UX is die eerste Lexus wat gebou is op die nuwe wêreldwye argitektuurplatform; ‘n ligte dog stewige struktuur, uiters lae swaartepunt en verfynde veringsinstellings sorg vir uitsonderilike hantering en rygerief tesame met ‘n kenmerkende bestuurspersoonlikheid. Lexus wou met die UX die beeld van die nutsmotor positief omkeer en ‘n voertuig ontwikkel wat so maklik is om te bestuur soos ‘n sedan en uitstekende hantering en ratse verrigting bied.
Die UX se kajuitontwerp ontlok die gevoel van ‘n weeldemotor maar met die hoër sitplekposisie en bykomende veelsydigheid van ‘n sportnuts-voertuig. Om in en uit die UX te klim, is maklik omdat die heup-punt op die beste moontlike plek geplaas is en die kussing van die sitplek ‘n unieke vorm het. Die lae en onopvallende ontwerp van die instrumente-paneel en die slanke A-pilare wat daarop gemik is om sig na buite te verbeter, beklemtoon die mensgesnentreerde benadering wat met die ontwerp gevolg is. Hoewel ‘n mens hoër as in ‘n gewone passasiers motor sit, voel dit nie so nie as gevolg van die kleiner afstand tussen heup- en hakpunte. Die 200 EX beskik oor handverstel-bare voorsit plekke terwyl dié van die 250h SE en die F-Sport elektriese verstelling in agt rigtings bied. Lexus se weelde kan dwarsdeur die kajuit gesien word; die driespeek-stuurwiel en die wyserhorlosie kom net só uit die LS en die Lexus Climate Concierge kom ook in die res van die reeks voor. Dit koppel verwarmings- en verkoelingslugvloei outomaties met die verhitbare en geventileerde sitplekke om die binne temperatuur-gerief te verbeter. Die EX beskik oor nagemaakte leerbek-leedsel terwyl gladde leer standaard-toerusting vir die F-Sport en 250h SE is. Die EX en 250h SE bied ‘n keuse van vyf kleure vir die sitplekbek-leedsel, onder meer kobalt, swart, room en oker. Die F-Sport is ook met eksklusiewe fakkelrooi of wit sitplekke beskikbaar.
Die ontwerp van die UX se instrumenthuisie kombineer unieke Lexus-eienskappe en instinktiewe tegnologie en die 7-duim TFT-vloeikristalskerm sorg vir digitale dog realistiese analoogmeters in ‘n driedimensionele ruimte. Die F-Sport het ‘n skerm van agt duim en beskik oor ‘n beweeglike meter- ring soos op die LFA- en LC-sportmotors wat dit maklik maak om die inhoud wat vertoon word, te verander. Daar is ‘n skakelaar aan die basis van die raakskerm wat ‘n skerm met funksies soos lugversorging en navigasie kan oproep sonder dat dit nodig is om deur die hele kieslys te blaai. Daar is ook ‘n Lexus Premium-klankstelsel met agt luidsprekers vir die 200 EX, wat die hoëresolusie- digitale klankformate van ‘n USB-toestel af speel; dit bevat meer musikale data as ‘n CD. Dubbele USB-poorte agter in die kajuit maak dit vir agterste insittendes moontlik om hul tablette of selfone te laai. Die 250h SE en F-Sport-modelle word toegerus met ‘n Mark Levinson-klankstelsel met dertien luidsprekers.
Die reeks bestaan uit drie modelle; die UX 200 EX, die 200 F-Sport en die hibriedemodel; die 250h SE. Die 200-modelle word toegerus met ‘n tweeliterenjin met vier silinders wat 126 kW teen 6 600 opm en wringkrag van 205 Nm teen 4 800 opm lewer. Die 250h SE se syfers is onderskeidelik 107 kW teen 6 000 opm en wringkrag van 180 Nm teen 4 400 opm. Al drie modelle word toegerus met ‘n nuwe palwisselratkas met regstreekse ratwisseling (D-CVT) wat die gladde, brandstof doel-treffende kenmerke van ‘n palwissel-ratkas met ‘n meer direkte verrigtings-gevoel kombineer. Die sleutel daartoe is ‘n meganiese ratstelsel wat gebruik word om uit ‘n stilstaande posisie weg te trek en te versnel voordat daar na die palwisseltransmissie met sy katrolstelsel oorgeskakel word. Wanneer die motor vining versnel, kan die D CVT die transmissie verhouding vrylik aanpas en ratwisseling soos ‘n outomatiese ratkas met veelvuldige ratte naboots.
Die nuwe hibriede-stelsel koppel die petrolenjin aan twee elektriese motors in ‘n nuwegeslag hibriede-dwar-as wat meer kompak en ligter is en oook minder interne wrywing as vorige Lexus- hibriedestelsels het. Die kragbeheer-eenheid van die UX is ook aansienlik kragtiger as dié van ‘n Lexus-hibried van dieselfde grootte maar is is 10% ligter en 20% kleiner. Die snelheid waarteen die petrolenjin afgeskakel kan word, soos wanneer die motor teen ‘n lang afdraande ry, is van 70 km/h na 110 km/h verhoog.
Die hele reeks het ‘n keuse van bestuurs-modusse as standaard-toerusting, wat die bestuurder in staat stel om een van drie verskillende modusse te kies . Normal-modus is die perfekte balans tussen werkverrigting en brandstof-doel treffendheid, ECO-modus bied die beste moontlike brandstof-doel treffendheid, beperk die lug versorging en maak die versneller pedaal se reaksie meer soepel terwyl Sport-modus die reaksie van die versneller pedaal vinnger maak en die stuurstelsel ‘n lewendiger gevoel gee. Die F-Sport bied ook ‘n Sport S+-modus, wat die hanterings eienskappe drasties verander.
Die UX-reeks word almal met 18-duim wiele toegerus, elk met ‘n modelspesifieke ontwerp. Die 6,5 duim wiele op die EX en die 250h SE word toegerus met 225/50 R 18-bande terwyl 225/50 RF 18- paprybande standaardtoerusting vir die F-Sport is.
Die UX is dalk die nuwe Lexus- intreemodelreeks, maar dit beteken nie dat veiligheid agterweë gebly het nie. Die hele reeks word toegerus met agt lugsakke, naamlik een elk vir die bestuurder en voorste passasier, knielugsakke vir die bestuurder en voorste passasier, kantlugsakke vir die bestuurder en voorste passasier en gordynlugsakke van voor tot agter. Die F-Sport en 250h SE- modelle het ook die Lexus Safety System-veiligheidstelsel wat bestaan uit aanpasbare spoedbeheer, ‘n blindekolmonitor, voorbots-stelsel met gesinchroniseerde remme, baanryhulp en baandwaalwaarskuwing met stuurhulp en aanpasbare ligdiode-hoërstaal-kopligstelsel.
Die voorbotsstelsel is aan die dinamiese radar-spoedbeheer gekoppel. Die stelsel werk relatief tot die ander voertuie voor die motor wat van 10 km/h tot 180 km/h ry. Die UX kan verkeer wat tot 30 km/h beweeg, volg, wat stop-en-ry-verkeer insluit. Daarom kan die bestuurder van ‘n UX nie net ‘n irriterende en vermoeiende situasie meer geniet nie, maar terselfdetyd veilig voel.
Baandwaal-waarskuwing bespeur nie net wit en geel verkeersbane nie maar ook die rande van die ryvlak. Baanry hulp gebruik die kragstuur om die bestuurder te help om die motor in sy baan te hou. Die pryse van die verskillende modelle, wat Lexus se klasleidende waarborg en onderhouds-plan van sewe jaar of 105 000 km insluit, is soos volg:
UX 200 EX: R 599 000
UX 250h SE: R 699 000
UX 200 F-Sport: R 726 200